攰到甩碌...

各位，小弟係警校既日子差唔多過左一半喇～４月１２號得閒既話我好高興大家入黎警校同我開心下架～

係呢段日子好充實，學左好多野，多到我自己都唔知其實我學完識唔識。同朋友們相聚既機會唔多，時間都唔長，但唔知你地有冇發現我改變左好多，我而家正經左，好少搞Ｄ無聊野。或者話我正經既一面成長左，無聊果面就黎被過頭喇。係學院入面我冇乜搞ＧＡＧ架，星期６日出返黎又要撩返個無聊的我出黎，就黎精神分裂喇。呢３個月加加埋埋既風浪好似過左３年咁，經歷過好多野發現自己真係要長大，要有承擔，要有付出。聽講做警察係會冇朋友架，我初頭唔信架，但慢慢我開始感受到。警察要面對既野真係好唔同，價值觀同其他人唔同，同大圍既世界係有距離架。

元旦訓教果時我偷聽到賢賢媽媽講左句＂有Ｄ出左黎做之後會學壞架＂，唔知係咪講我定係我發夢呢，不過我已經決志左喇，要做警隊入面既一滴清水，就算比人排斥、成世係散仔、冇得撈都好，我都要我塊墓碑上面對得起浩氣長存四隻字。

愛的宣言：

朱倩澄～我愛你～

可能惹上官非....

冇事~!

不過有d人呢....女喎唉~